CURRICULUM FORMALA, ERREALA ETA EZKUTUA

  Curriculuma, eskolak lortu beharreko guztia biltzen duen plana da. Baina era berean, curriculum hitza ere erabiltzen da eskolak errealitatean lortzen duena azaltzeko.

  Hiru curriculum mota daudela ikusi dugu. Lehena curriculum formala izango litzateke, non bertan ikasketa planak sartzen diren; honek, curriculum baten dokumentazio izaera islatzen du, ikaskuntza-irakaskuntza prozesuaren programazioa izanik. Batez ere, helburu, eduki eta ekintzak zehazten ditu. Bigarrena, curriculum erreala litzateke, non curriculum formala praktikan jartzean datzan. Beraz, errealitatean programarekin gertatzen dena azaltzen digu, ikasgelaren beharretara egokitzean aldaketak ematen baitira curriculumean. Eta azkenik, curriculum ezkutua. Hau curriculum formal eta errealaren arteko tentsioa interpretatzean datza. Bertan, curriculum formalean agertzen ez bada ere, errealitatean haurrari nahigabe transmititzen zaiona sartzen da.

  Hori jakinik, gure iritziz, guztiontzat berdina den curriculum formal bat egon behar da. Hala eta guztiz ere, aurrera eramaten den curriculum erreala bakoitzari egokitu behar zaio etengabe, bakoitzaren beharrak asetuz. Egokitzapen honetan, aldaketa batzuk emango badira ere, azken aldaketa helburua izan behar du; hau da, haurrak ikastea. Horretarako, hasteko aldatu beharrekoa azaltzeko era, metodologia, baliabideak … izan beharko lukete.

  Interesgarria iruditu zaigun beste gauza bat, haurrari sortzen diogun nahigabeko menpekotasuna izan da, curriculum ezkututzat hartuko genukeena. Esaterako, haur bat mantal bat janztera doanean, lasai utzi beharrean, laguntzera joan eta azkenean guk lotzen diogu. Hau garbi ikusi genuen gelan erakutsitako argazki honetan: