HEZKUNTZA BERRIKUNTZAK

v  AURREIRITZIAK

Guk, nahiz eta gai honen inguruan ezagutza handirik ez izan, berrikuntzen inguruko definizioa ematera ausartuko ginateke. Gure ustez, berrikuntzak, gizarteak bere gaitasunak azaleratuz eskaintzen dituen proposamen, jarrera edo estrategia berriak dira. Hauek, guztion onerako, dagoena hobetzeko, aurrerakuntzak izateko edota arlo ezberdinetan ( hezkuntza, osasuna, politika … )  hobetzeko sortuak dira. Berrikuntzen helburua, aldaketen bidez etorkizuna hobetzeaz gain datozen arazo berriei aurre egitea da gure ustez.

Hau esan ondoren, berrikuntzen definizioa hezkuntzaren arlora bideratu nahiko genuke. Hezkuntza berrikuntza gure ustez, hezkuntzaren inguruan ematen diren aldaketa eta aurrerapenei dagokio. Hauek, metodologian, helburuetan, baliabideetan … ematen diren  berrikuntzak izanik.

v  BALIABIDEEN SINTESIA

Aurreiritziak bazter utziz, hezkuntza berrikuntza zertan datzan adieraziko dugu irakurritako zenbait artikulutan oinarrituta.

Artikuluen arabera, hezkuntza berrikuntza ikerkuntza didaktikoko motorra izan beharko luke. Berrikuntza, irakaskuntza planifikazio eta hobekuntza prozesua da. Prozesu boluntario, planifikatu eta sortzailea bezain, zaila eta denbora askokoa. Hezkuntza berrikuntzaren eragileak Unibertsitateaz gain, irakasleria ere izan beharko litzateke.

Baina oinarrian, hezkuntza berrikuntza hezkuntza ikerkuntzari lotuta doa. Biak ez dira berdinak, baina berrikuntza nahia beharrezkoa da ikerkuntza gertatzeko. Hezkuntza ikerkuntza funtzionala eta praktikoa izan behar du eta ikaskuntzaren hobekuntza ekarri behar du. Baina gaur egun hezkuntza ikerkuntza urria da. Horregatik, hezkuntza berrikuntzen eta ikerkuntza didaktikoaren arteko erlazioa sustatu behar da. Izan ere, egin diren berrikuntzak ez dira errealitateko esperientziekin frogatu, beraz airean geratzen dira berrikuntza horiek.

Beraz esan dezakegu, hezkuntza berrikuntza planifikazio eta hobekuntza prozesutzat hartzen dela. Berritzeak, zerbait aldatzea dakar. Berrikuntza gure ikusmoldearen aldaketa esan nahi du, ez da helburu bat baizik eta helburura iristeko

LA EDUCACION PROHIBIDA (Nerea Alustiza)

Klasera joan ez banintzen ere, dokumentala etxean ikusteko aukera izan dut eta beraz, hausnarketa bat egitera bideratu naiz.

Dokumental honek argi uzten du hezkuntzan badagoela zer aldatua, gauza asko gaizki daudela. Baina zer da aldatu behar dugun hori? Nola egin dezakegu hori? Hor dago arazoa..

HEZKUNTZA DEBEKATUA (Educación prohibida) Maider eta Intza

1.       ZATIA

Bideoan azaldu den bezala, badakigu hezkuntza zein garrantzitsua den eta horren adibide dira dokumentalean azaldu diren eskola mota ezberdinak (publiko, pribatu...) Hauek guztiak ordea, ezagutza eta printzipio berdinak lortu nahi dituzte, baina ala al da errealitatean?

Gaur egun, bideoan azaldu diren pentsalariek dioten bezala, eskolan irakasten dena ez da barneratzen, eta hau hartzen da eskola porrotaren muina bezala. Baina honen arrazoi nagusietako bat hezkuntza sistemaren porrotean egon daiteke. Hau ez baita eboluzionatu, belaunaldi berriek duten pentsatzeko era eboluzionatu den bezala eta horretaz gain, eskolan ematen diren edukiak bere horretan geratu dira, eboluzionatu gabe.

Esan daiteke, era beran, eskolako haurrak zenbakitzat hartzen dira, izan ere haurrak  subjektu indibidualak badira ere kalifikatzeko momentuan guztiak maila berean tratatzen dira, euren esfortzuak zenbaki batzuen bidez definituz eta honek lehiakortasuna sustatzen du galtzaile eta irabazle kontzeptuak haurrei barneratuz.

Beraz, eskolek berdintasuna, askatasuna, bakea … beste antzeko printzipio eta balorez hitz egitean, errealitatean ez dute praktikara eramaten, soilik ikasgaietako edukiak ea ondo barneratu dituzten edo ez ebaluatzera mugatzen diren sistemak

¡ SAQUEN EL LIBRO DE TEXTO ! HELBURUA

" ¡Saquen el libro de texto!" irakurgaiarekin eginiko ariketaren helburu nagusia guztion artean testua hobeto ulertzen saiatzea izateaz gain, elkarlana sustatzea ere badela iruditzen zaigu.

 Era berean, bakoitzari interesgarriena edo esanguratsuena iruditu zaion zatia guztion artean eztabaidatuz, norberaren ekarpenak entzun daitezke. Horrela, testua sakonago lantzea lortuz. Esan beharra dugu ere helburu horretarako, testua zail xamarra iruditu zaigula eta horretaz gain, guztion ekarpenak entzun ahal izateko ikasle gehiegi garela.

Horregatik, naiz eta helburua interesgarria iruditu, eman diren baldintzak ez dira egokienak izan xedea aurrera ateratzeko.

¡ SAQUEN EL LIBRO DE TEXTO!

Intza Alakin (586 orria – 1 paragrafoa)

Gaur egun hezkuntza berrikuntzak praktikara eramaterako orduan ez dira arrakastatsuak izaten. Hori arrazoi ugarirengatik gerta daiteke eta ikerketa batzuen arabera arrazoi horietako bat irakasleen beldurrak izaten dira. Hauek aldaketak egiterakoan ikasleengan eman daitekeen erantzun negatiboaren aurrean beldurtzeaz gain, aldaketa horiek ondorio negatiboak ekar ditzakeela ere pentsatzen dute. Horren aurrean, nahiago izaten dute aldaketak ez egin eta egoera berari eutsi. Horrela ez da hezkuntza berrikuntzak ematen.

Nerea Alustiza (586 orria – 2. paragrafoko 5 lerroak)

Intzak azaldutako egoera hori, segurtasun faltarekin konbinatzen da. Atherton eta Darby autoreek esaten dutenez, honek “ikasketa galtzera” darama irakaslea; hau da, konfidantza galtzera. Paragrafo hau aukeratu dut, nire bizitzan egoera hori bizi izan dudalako. Dantzako irakasle naizen heinean, gertatu izan zait haur batek ez nekien zerbait galdetzea eta zer erantzun ez jakitea.

Nerea De Los Mozos (592 orria – 1. paragrafoa 5 lerroak)

Hezkuntza berrikuntza, ez dago irakasleen esku soilik, hezkuntza zentroek  ere, hezkuntza berrikuntzak sustatu beharko dituzte eta aldi berean, irakasleei ere laguntza eskaini beharko die.

Maider Etxeberria ( 587 orria – 2. paragrafoa)

Irakasleek hartu beharrekiko konpromisoa beraien lanarekiko ezinbestekoa da, beraien lana ondo burutu dezaten. Lanarekin hartzen de konpromisoa edo inplikazioaren araberakoa izango da lanaren  kalitatea. Hau horrela izanik, inplikazioa handia bada kalitatea ere handiagoa izango da, hau ez bada horrela ordea, kalitatea ez da egokia izango.  Azpimarratzekoa da, irakasleak bere lana maitatu behar duela eta gogotsu aritu behar duela horretan, konpromiso hau eman dadin.

AURREIRITZIAK - Programazioaren antolaketa.

Gela bateko programazio bat antolatzerako orduan, gure iritziz atal garrantzitsu batzuk jorratu beharko lirateke. Esaterako, irakasleetako batek baja hartuz gero, ordezko irakasleak honako atal hauek erreparatu beharko ditu:

Batetik, haurren ezaugarriei erreparatu beharko da. Ezaugarri hauen artean aurkitzen dira haur kopurua eta hauen adina, hauek izango dira programazioa burutzeko funtsa eta hauek kontuan hartuz egin beharko dira ekintza guztiak. Gainera, azpimarratzekoa da haurrak kolektiboki kontuan hartzeaz gain, indibidualki ere aztertzea garrantzitsua dela. Beraz, haur bakoitzak izango dituen arazo edo berezitasunen inguruan jakinaren gainean egon behar gara. Horretan, familia edo tutorearekin duen erlazioa eta hauek helaraziko diguten informazioa baliagarria izango da.

Bestetik, eskolak eskainiko dizkigun baliabideak hartu beharko dira kontuan. Hasteko, gelako espazioa dugu. Honen tamainaren arabera, jarduera batzuk edo besteak garatu ahalko baititugu. Instalazio kopuruan ere arreta jarri beharko da: psikomotrizitate aretoa, musika gela, bideo-gela, liburutegia … hauek ekintza espezifikoak garatzeko lagungarriak izango dira. Gelan egongo den eta irakasleak hauekin egiten duen erabileraren

10 ARGAZKIAK - Curriculumaren inguruan.